SM mosulod na sa Bohol

Written on September 7th, 2022 by ICT

Atong gi-abiabi ang pamunuan sa SM Supermalls nga mingbisita karung buntag sa atong buhatan sa Kapitolyo. Si Engr. Bien Mateo, ang Senior Vice President sa SM Supermalls, ang nangulo sa pag-bisita kanato.

Kauban niya ang iyang team nga sila si Gino Borromeo, SM Supermalls Vice President for Corporate Strategy; Helene Go, SM Prime Legal; Gusi Balatbat, SM Prime Holdings; Ellyn Bondalo, BDO-Unibank Inc. Marketing Officer; ug Atty. Sherlito Columnas, Columnas Law and Realty.

Ang gipangandoy sa katawhang Bol-anon nga makasulod diri sa atong probinsya ang dagkong malls sama sa SM Supermalls matuman na gayud kay magsugod na sila’g tukod og mall sa dili madugay.

Sulod sa upat ngadto sa lima ka tuig, atong masinati ang mga serbisyo sa bag-ong mall nga mahimutang sa Barangay Dao sa Dakbayan sa Tagbilaran.

Akong gikalipay ang ilang pagsulod kay dakong tabang kini sa atong ekonomiya. Adunay 3,000 ka mga Bol-anon ang matagaan og trabaho. Atoang abrihan ang Bohol sa mga investors. Daghang negosyo, daghang trabaho.

Abante Bohol sa pag-uswag!

Source: Gov. Aris Aumentado